ភ្នំពេញ៖ នៅ ថ្ងៃព្រហស្បតិ៍ ៦កើត ខែចេត្រ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី៣ ខែមេសា ឆ្នាំ២០២៥ លោក ហ៊ុន មករា បាននាំយកថវិកា ពី បណ្ឌិត ហែម ប្រសើរ ប្រធានសមាគមសម្ព័ន្ធភាពអ្នកសារព័ត៌មានក្នុងសន្តិភាព ចូលបច្ច័យបុណ្យសព ម្តាយបង្កើត លោក ព្រំ ភារុណ ចាងហ្វាងសារព័ត៌មានមហាជន ដែលបានទទួលអនិច្ចកម្ម។
ក្នុងនាម ប្រធានសមាគមសម្ព័ន្ធភាពអ្នកសារព័ត៌មានក្នុងសន្តិភាពនិងសមាជិកសមាជិកាទាំងអស់ ពិតជាមានក្តីរន្ឋត់ តក់ស្លុត និងសោកស្តាយយ៉ាងខ្លាំង ដែលបានទទួលដំណឹងថា ឧបាសិកា អៀង សុភា ដែលត្រូវជាម្តាយបង្កើត លោក ព្រំ ភារុណ បានទទួលមរណៈភាពកាលពី ថ្ងៃព្រហស្បតិ៍ ៦កើត ខែចេត្រ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី៣ ខែមេសា ឆ្នាំ២០២៥ នាវេលាម៉ោង ៤:០០នាទីយប់ ក្នុងជន្មាយុ ៦៣ ឆ្នាំ ដោយរោគាពាធ។
ក្នុងវេលាប្រកបដោយទុក្ខព្រួយដ៏សោកសង្រេងជាទីបំផុតនេះ យើងខ្ញុំទាំងអស់គ្នាសូមចូលរួមរំលែកមរណទុក្ខ ដ៏ក្រៀមក្រំជាមួយ លោកចាងហ្វាង និងភរិយា ព្រមទាំងក្រុមគ្រួសារដោយសេចក្តីអាឡោះអាល័យរកអ្វីប្រៀបផ្ទឹមពុំបានចំពោះការបាត់បង់អ្នកមានគុណមួយរូបជាទីស្រឡាញ់យ៉ាងជ្រាលជ្រៅបំផុតពោរពេញដោយ ព្រហ្មវិហារធម៌ និងបានលះបង់បូជាកម្លាំងកាយចិត្តគ្រប់សព្វបែបយ៉ាង ក្នុងការបីបាច់ថែរក្សា បុត្រា បុត្រី ចៅប្រុស ចៅស្រីឲ្យក្លាយជាពលរដ្ឋល្អសម្រាប់សង្គមជាតិ។
យើងខ្ញុំទាំងអស់គ្នា សូមឧទ្ទិសបួងសួងដល់ដួងវិញ្ញាណក្ខន្ឋ ឧបាសិកា អៀង សុភា សូមបានបដិសន្ធិក្នុងសុគតិភពកុំបីឃ្លៀងឃ្លាតឡើយ។
សូមលោកចាងហ្វាង និងភរិយា ព្រមទាំងក្រុមគ្រួសារទទួលបាននូវការរំលែកទុក្ខដ៏ក្រៀមក្រំ និង ក្តីគោរពស្រឡាញ់អំពីយើងខ្ញុំទាំងអស់គ្នា៕ អរគុណសន្ដិភាព
