សៀមរាបៈ នាព្រឹកថ្ងៃទី២៦ ខែធ្នូ ឆ្នាំ២០២៤ នៅបន្ទប់ប្រជុំលោកមេបញ្ជាការខេត្ត បន្ទាប់ពីលោកឧត្តមសេនីយ៍ បានចូលរួមប្រជុំស្តីពីការបូកសរុបសភាពការណ៍ សកម្មភាពលទ្ធផលការអនុវត្តតួនាទី ភារកិច្ច ការធ្វើកំណែទម្រង់ និងការងារកសាងអង្គភាពកងរាជអាវុធហត្ថឆ្នាំ២០២៤ និងបន្តលើកទិសដៅផែនការកម្មវិធី សកម្មភាពការងារឆ្នាំ២០២៥ នៅទីបញ្ជីការដ្ឋានកងរាជអាវុធហត្ថលើផ្ទៃប្រទេស លោកឧត្តមសេនីយ៍ត្រី សៀ ទីន មេបញ្ជាការ កងរាជអាវុធហត្ថខេត្ត បានដឹកនាំប្រជុំជួរមេបញ្ជាការ ដើម្បីដាក់ផែនការ និងបន្តទិសដៅការងារ សម្រាប់សកម្មភាពការងារឆ្នាំ២០២៥ អោយមានប្រសិទ្ធភាពតាមផែនការកំណត់។
