ព្រះរាជពិធីបុណ្យអុំទូក បណ្ដែតប្រទីប និងសំពះព្រះខែ អកអំបុក ត្រូវបានប្រារព្ធឡើងរយៈពេល ៣ថ្ងៃ ជារៀងរាល់ឆ្នាំនាថ្ងៃពេញបូរមីខែកត្តិក គឺដើម្បីសម្តែងមនោសញ្ចេតនាដឹងគុណទន្លេមេគង្គ និងទន្លេសាប ដែលបានផ្តល់ជីវជាតិយ៉ាងសំខាន់សម្រាប់បម្រើវិស័យកសិកម្ម និងបើតាមប្រវត្តិសាស្រ្តដើម្បីរំឮកដល់ជ័យជម្នះរបស់កងទ័ពជើងទឹករបស់យើងផងដែរ។
ក្នុងឱកាសដ៏វិសេសវិសាលនេះផងដែរ ក្រុមគ្រួសារសហភាពសហព័ន្ធយុវជនកម្ពុជា សូមជូនពរឱ្យប្រជាជនទាំងអស់គ្នាមានសុខភាពល្អ និងធ្វើដំណើរទៅទីជិតឆ្ងាយប្រកបដោយសុខសុវត្ថិភាព។