ខេត្តកំពង់ស្ពឺ៖ កាលពីរសៀលថ្ងៃទី៤ ខែកញ្ញា ឆ្នាំ២០២៤ នៅសាលប្រជុំបណ្ណាល័យកំពង់ស្ពឺ បានប្រារព្ធពិធីសំណេះសំណាលជាមួយព្រះមន្ត្រីសង្ឃនៅក្នុងខេត្ត ស្តីអំពីការប្រត្តិបត្តិធម៌វិន័យការអប់រំព្រះសង្ឃក្នុងវត្ត អារាមការប្រើប្រាស់ប្រព័ន្ធទំនាក់ទំនងសង្គមឌីជីថល និងការពង្រឹងតួនាទីភារកិច្ចរបស់មន្ត្រីសង្ឃខេត្ត ក្រុង ស្រុក និងវត្តអារាម ក្នុងខេត្តកំពង់ស្ពឺ ក្រោម អធិបតីភាពសម្តេចព្រះឧត្តម ចរិយា បណ្ឌិត ឈឹង ប៊ុនឈា ព្រះអនុប្រធានថេរសភាពុទ្ធសាសនា នៃព្រះរាជាណាចក្រកម្ពុជា។
ការនិមន្តសំណេះសំណាល ជាមួយព្រះមន្ត្រីសង្ឃខេត្ត អំពីការប្រតិបត្តិធម៌វិន័យការអប់រំព្រះសង្ឃក្នុងវត្តអារាមការប្រើប្រាស់ប្រព័ន្ធទំនាក់ទំនងសង្គមឌីជីថលនិងការពង្រឹងតួនាទីភារកិច្ចរបស់ព្រះសង្ឃខេត្តក្រុងស្រុកនិងវត្តអារាមក្នុងខេត្តកំពង់ស្ពឺឯកឧត្តម ឈូ សុបញ្ញា រដ្ឋលេខាធិការ និងជានាយកខុទ្ទកាល័យរដ្ឋមន្ត្រីក្រសួងធម្មការ និងសាសនា តំណាងដ៏ខ្ពង់ខ្ពស់ឯកឧត្តម ឆាយ បូរិន្ទ រដ្ឋមន្ត្រីក្រសួងធម្មការ និងសាសនា លោក ស្រី ឡុង បូណារ៉េត អភិបាលរងនៃគណៈអភិបាលខេត្ត លោក សម សោភ័ណ្ឌប្រធានមន្ទីរធម្មការខេត្តនិងព្រះសង្ឃ និមន្តមកពី ខេត្ត ក្រុង ស្រុក និងវត្តអារាម ទូទាំងខេត្តកំពង់ស្ពឺប្រមាណជិត៣០០អង្គនាក់ផងដែរ។
មានសង្ឃដីការក្នុងពិធីនោះ ព្រះសង្ឃព្រះមុន្នីសត្យាចារ្យកោសល្យ កែវ ចន្ថា ព្រះមេគុណខេត្តកំពង់ស្ពឺក៏បានធ្វើរបាយការណ៍ស្វាគមន៍ជូនអង្គពិធីបានគូសបញ្ជាក់ថា នៅទូទាំងខេត្តកំពង់ស្ពឺ សាលាគណៈខេត្តកំពង់ស្ពឺមានវត្តមានមហានិកាយចំនួន ២៧៩អង្គ អាស្រមចំនួន២៤ និងមណ្ឌលវិបស្សនាចំនួនមួយកន្លែងមានព្រះសង្ឃសរុបចំនួន ៤៥៥០ អង្គ ពិក្ខុចំនួន ១.៣៣៤អង្គ សាមណេរ ចំនួន ៣.១១៦ អង្គដែលបានចុះបញ្ជីដីគរុភ័ណ្ឌរួច ១៩៥ មិនទាន់ចុះបញ្ជី ៧៥ បានទទួលប្លង់រួច ៦៤ អាចារ្យវត្តមានចំនួន ៩៩៦ នាក់ និងគណៈកម្មការវត្តមានចំនួន ២១៤៨ នាក់ តាជីសរុបចំនួន ១៧០នាក់ ដូនជីសរុប៥៣៥នាក់ និងសិស្សស្នាក់នៅវត្តសរុបចំនួន២១នាក់ ។ ក្រោមការដឹកនាំនិងការចង្អុលបង្ហាញពីសម្ដេចសង្ឃនៃព្រះរាជាណាចក្រកម្ពុជាព្រះមន្ត្រីសង្ឃខេត្តក្រុងស្រុកនិងព្រះចៅអធិការគ្រប់វត្តបានសហការយ៉ាងស្និទ្ធស្នាលជាមួយមន្ត្រីធម្មការនិងសាសនា អាជ្ញាធរ ក្រុង ស្រុកឃុំ បង្កាត់ ក្នុងមូលដ្ឋាន ធ្វើកិច្ចការងារសង្គម បានដាំដើមឈើតាមវត្តនិង ទីសាធារណៈ ជួយដល់បាទក្រហម ពុទ្ធបរិស័ទជួបការលំបាកនឹងបានចូលរួមគាំទ្រសកម្មភាពជាមួយរាជរដ្ឋាភិបាលទាំងស្មារតីនិងព្រំដែនក្នុងតំបន់សហប្រតិបត្តិការអភិវឌ្ឍន៍តំបន់ត្រីកោណ (C.L.V)(D.T.A) និងធ្វើការគាំទ្រយ៉ាងពេញទំហឹងនូវការកសាងព្រែកជីកហ្វូណនតេជោ សម្រាប់សមិទ្ធផលថ្មីរបស់ប្រទេសកម្ពុជាជាអមតៈដ៏ត្រចេះត្រចង់របស់ប្រជាជនកម្ពុជា ក្នុងសម័យប្រទេសមានសុខសន្តិភាព ព្រះសង្ឃក៏បានចុះផ្សព្វផ្សាយអនុសំវច្ចរ:មហាសន្និបាត អធិករណ៍ ដោះស្រាយបញ្ហា នឹងធ្វើវិសុទ្ធកម្ម រាល់កន្លះខែម្ដង ដើម្បីពង្រឹងផ្នែកពុទ្ធិកជាមួយមន្ទីរធម្មការ និងសាសនាដើម្បីឲ្យស្របជាមួយគោលនយោបាយរបស់រាជរដ្ឋាភិបាល នឹងលើកអំពីបញ្ហាប្រឈម ដោយមានចៅអធិការខ្លះចំណេះដឹងនៅមានកម្រិត ព្រះអង្គស្នើសុំ ឱ្យសម្ដេចនិងអាជ្ញាធរពាក់ព័ន្ធជួយសម្របសម្រួលនិងមានវិធានការចំពោះអង្គភាពអ្នកសារព័ត៌មានដែលបានធ្វើការចុះផ្សាយព័ត៌មានមិនពិត និងមិនមានមូលដ្ឋានច្បាស់លាស់។
ក្នុងឱកាសដល់ថ្លៃថ្លានោះ សម្ដេចព្រះឧត្តមចរិយា បណ្ឌិត ឈឹង ប៊ុនឈាព្រះអនុប្រធានថេរសភាពុទ្ធសាសនានៃព្រះរាជាណាចក្រកម្ពុជាព្រះតំណាងដ៏ខ្ពង់ខ្ពស់សម្ដេចព្រះពោធិវង្សកិត្តិបណ្ឌិត អំលីមហេងសម្ដេចព្រះសង្ឃនាយកស្ដីទីនៃព្រះរាជាណាចក្រកម្ពុជា បានកោតសរសើរនឹងវាយតម្លៃខ្ពស់ចំពោះការងារព្រះពុទ្ធសាសនាគណៈមហានិកាយមានវឌ្ឍនៈភាពក្នុងដំណើរការចាត់ចែងតែងតាំងតួនាទីនិងភារកិច្ច នៅគោរមងារ ក្នុងរចនាសម្ព័ន្ធ ចំពោះព្រះសង្ឃជាច្រើនអង្គដែលបានស្នើសុំព្រះធម្មធម៌ពីព្រះលេខាធិការដ្ឋានកន្លងមក ក្នុងការតែងតាំងដោយព្រះរាជក្រឹត្យអនុក្រឹត្យ ដើម្បីព្រះអង្គមានសិទ្ធិក្នុងការគ្រប់គ្រង សិក្សាអភិវឌ្ឍន៍គ្រប់មុខជំនាញ ដើម្បីចូលរួមសហការអនុវត្តតួនាទីនិងភារកិច្ចជាមួយអាជ្ញាធរនិងពុទ្ធបរិស័ទ ឱ្យបានល្អប្រសើរក្នុងការទ្រទ្រង់វិស័យព្រះពុទ្ធសាសនា មានការរីកចម្រើន ។
ឯកឧត្តម ឈូ សុបញ្ញារដ្ឋលេខាធិការនិងជានាយកខុទ្ទកាល័យរដ្ឋមន្ត្រីក្រសួងធម្មការនិងសាសនា តំណាងដ៏ខ្ពង់ខ្ពស់ឯកឧត្តមឆាយ បូរិនរដ្ឋមន្ត្រីក្រសួងធម្មការនិងសាសនាបានគូសបញ្ជាក់ថាការប្រត្តិបត្តិវិន័យសង្ឃ សម្រាប់ការតែងតាំងមិនអស់បច្ច័យទេ សូមព្រះសង្ឃធ្វើការបំបួសឱ្យគោរពទៅតាមនីតិវិធីនិងអនុវត្តវិន័យព្រះសង្ឃ ។
ឯកឧត្តមក៏បានផ្ដាំផ្ញើនិងជម្រុញអោយព្រះសង្ឃនិងពុទ្ធបរិស័ទចុះឈ្មោះដើម្បីធ្វើដំណើរកំសាន្តនិងគាំទ្រយ៉ាងពេញទំហឹងចំពោះគម្រោងកិច្ចសហប្រតិបត្តិការ C.L.V ដែលជាតំបន់អភិវឌ្ឍន៍ត្រីកោណ D.T.A ដែលជាគំនិតផ្តួចផ្ដើមរបស់សម្ដេចតេជោ ហ៊ុន សែន ផងដែរ៕
