ខេត្តប៉ៃលិន៖ ថ្ងៃអាទិត្យ ៨រោច ខែអាសាឍ ឆ្នាំរោង ឆស័ក ព.ស. ២៥៦៨ ត្រូវនឹង ថ្ងៃទី២៨ ខែកក្កដា ឆ្នាំ២០២៤ អនុវត្តតាមបទបញ្ជា លោក ឧត្តមសេនីយ៍ត្រី កែម អនុជ មេបញ្ជាការ តំបន់ប្រតិបត្តិការសឹករងប៉ៃលិន បានត្រួតពិនិត្យកម្លាំងអន្តរាគមន៍ សម្រាប់ដោះស្រាយរាល់យថាហេតុផ្សេងៗ នៅទីបញ្ជាការ។
លោក ឧត្តមសេនីយ៍ត្រី កែម អនុជ បានបញ្ជាក់ថា តួនាទីភារកិច្ច របស់កងកម្លាំងគឺត្រៀមលក្ខណៈអន្តរាគមន៍ ដោះស្រាយរាល់យថាហេតុ ២៤ម៉ោងលើ២៤ម៉ោង និងចូលរួមការពារ សន្តិសុខសណ្តាប់ធ្នាប់ ជួយសង្គ្រោះប្រជាពលរដ្ឋដែលរងគ្រោះដោយគ្រោះធម្មជាតិ ក្នុងភូមិសាស្ត្រទទួលខុសត្រូវ។
ក្នុងឱកាសនោះដែរ លោក ឧត្តមសេនីយ៍ត្រី កែម អនុជ បានថ្លែងអំណរគុណដល់នាយទាហាន នាយទាហានរង និងពលទាហានទាំងអស់ ដែលបានបំពេញនូវតួនាទីភារកិច្ច តាមផែនការ និងបទបញ្ជារបស់ថ្នាក់លើ ប្រកបដោយភាពទទួលខុសត្រូវខ្ពស់ ដើម្បីបុព្វហេតុជាតិមាតុភូមិ និងប្រជាជន៕
